An Innovative Idea for Teachers Training

એક અભિનવ પ્રયોગ

ગુજરાતના પ્રાથમિક શિક્ષણમાં નવા શૈક્ષણિક સત્ર ૨૦૧૫/૧૬ માટે એક    નવાચારી પ્રશિક્ષણ પ્રયોગ હાથ ધરવામાં આવ્યો-શિક્ષકોના પ્રશિક્ષણ માટે દ્રશ્ય-શ્રાવ્ય સામગ્રીનું નિર્માણ. શિક્ષકો માટેની આ સામગ્રીનું નિર્માણ કરવાની દિશામાં આ વિચારનું સ્થાપન ગુજરાતના અંગ્રેજી વિષયના જૂથ પ્રવાહક તરીકે કામ કરવાનો મને મોકો મળ્યો. શિક્ષક તાલીમની જવાબદારી અદા કરતી સંસ્થા  સર્વ શિક્ષા અભિયાન કચેરી દ્વારા આ સ્તુત્ય પ્રયોગની ખરાઈ થઇ અને શિક્ષકોના હિતમાં આ નિર્ણય લેવામાં આવ્યો.

અંગ્રેજી વિષય માટે રાજ્યના શિક્ષક તાલીમ શાખાના વડા ડૉ. દર્શના કુમારી જો‍‌‌‍ષીના સતત માર્ગદર્શન તળે શ્રી ધર્મેશભાઈ રામાનુજના કૉ ઓર્ડીનેશનથી એક સુંદર આયોજનમાં સહભાગી થઇ શક્યો. આ પ્રવિધિ અંતર્ગત રાજ્યના દરેક જીલ્લાના એક-એક તજજ્ઞશ્રીઓને અંગ્રેજી વિષયના લેખન માટે પસંદ કરાયા. સામગ્રીના લેખન માટે કાર્યશાળા થઇ. કાર્યશાળાના અંતે એક મોડ્યુલ માટેની ઉતમ સામગ્રી સહિયાર પ્રયાસે નિર્માણ થઇ. આ સામગ્રીનો અડધો ભાગ દ્રશ્ય-શ્રાવ્ય સામગ્રી માટે સુનિશ્ચિત થયો. એસ એસ એ અને બાયસેગ સ્ટુડીઓના સહયોગે આ સામગ્રીનું નિર્માણ થયું. શિક્ષક પ્રશિક્ષણ સમયે આ સામગ્રી સમગ્ર રાજ્યમાં ઉપયોગમાં લેવામાં આવી. શિક્ષક પ્રશિક્ષણ દરમ્યાન સમગ્ર રાજ્યમાં મૂલ્યાંકન કરતા જણાયું કે આ દ્રશ્ય-શ્રાવ્ય સામગ્રી સમગ્ર પ્રશિક્ષણ પ્રક્રિયાનો એક રસપ્રદ ભાગ બની રહ્યો જે આ જહેમતની સફળતા છે! શિક્ષકો દ્વારા આ પ્રયોગને એક સહાયક ભાગ સ્વરૂપે સ્વીકારવામાં આવ્યો. અંગ્રેજી ધો. ૩ થી ૮ માટેની આ દ્રશ્ય-શ્રાવ્ય સામગ્રી સમગ્ર શૈક્ષણિક વર્ષ  માટે વર્ગ અધ્યાપનમાં આધારભૂત બની રહેશે. અંગ્રેજી વિષયની સમગ્ર ટીમ દ્વારા રાજ્ય સ્તરે થયેલા આ પ્રયોગની સફળતાનું માપદંડ સમગ્ર વર્ષ દરમ્યાન સીઆરસી કો.ઓ. દ્વારા ચકાસવામાં આવશે તેવું આયોજન પણ છે. અંગ્રેજી જૂથના સભ્યોના મતે આ પ્રયોગ અન્ય વિષયો માટે શિક્ષક-વિદ્યાર્થી બંને માટે પણ સહાયક છે. અનુગામી સમયમાં અંગ્રેજી વિષયમાં પાઠ્યપુસ્તકના વાચન અને લેખનના દરેક ભાગો માટે આવી દ્રશ્ય-શ્રાવ્ય સામગ્રી નિર્માણ કરવાનું આયોજન છે. ગુજરાતની અંગ્રેજી  ટીમને ને સમગ્ર તયા પ્રાપ્ત સફળતાનો આ યશ રાજ્યની વડી કચેરીને જાય છે. ધો.૩ થી ૮ મા અંગ્રેજી વિષયનું વર્ગકાર્ય કરાવતા શિક્ષકોના શૈક્ષણિક  ઉત્કર્ષ માટે થયેલ આ નવાચારી કાર્ય અનુગામી સમયમાં વર્ગકાર્યની સહાયક અધ્યાપન પદ્ધતિ માટે ઊભરી આવે તેવી અપેક્ષા રખાઈ છે. આ શૈક્ષણિક અભિનવ પ્રયોગ માટે મને જયારે જયારે જરૂર જણાઈ ત્યારે ત્યારે માર્ગ બતાવનાર માર્ગદર્શક શ્રી ધર્મેશભાઈ રામાનુજ (ભાટ તલાવડી, આણંદ), શ્રી રાકેશભાઈ પટેલ (નવા નદીસર,પંચમહાલ) અને સમગ્ર ટીમને ધન્યવાદ.