મહત્વનું શું ??? ભણતર કે ગણતર....

લગભગ સત્તર વર્ષ જેટલો સમય રામપુરા અને નદીશાળા ના ક્લસ્ટર રિસોર્સ સેન્ટરમાં  કૉ ઓર્ડીનેટર તરીકે કામ કરતા સમયે વર્ગખંડ શિક્ષણ અંગે ઘણા અનુભવો પ્રત્યક્ષ અને પરોક્ષ રીતે થયેલાં. અનુભવોએ ઘણું શીખવ્યું. કાંત્રોડી શાળામાં છેલ્લાં એક વર્ષ થી ધોરણ ૫ થી ૭ ના વર્ગ શિક્ષક તરીકે કામ કરવાનું સદભાગ્ય સાંપડ્યું.

વિદ્યાર્થીઓને માત્ર લેકચર મેથડ થી કાઈ પણ ભણાવવું અશક્ય છે. આથી જ મેં વધારે સમય પ્રોજેક્ટ અને પ્રવૃત્તિઓને આપ્યો. આમ પણ સીધા વર્ગખંડ ના અનુભવ ને લગભગ ૧૭ વર્ષ થયેલ અને ધોરણ ૫ થી ૭ ના વિદ્યાર્થીઓ સમજી શકે એ ભાષામાં વાત કરવી શરૂઆત માં અઘરું લાગેલ. આ સમયે ગીતો, વાર્તાઓ, પ્રવૃત્તિઓ અને પ્રોજેક્ટ મારા માટે ઉપયોગી નીવડેલ. આમ પણ વિદ્યાર્થીઓને બેંચ પર બેસીને ભણવા કરતાં મસ્ત બની ગણવું વધારે વ્હાલું હોય છે. વિદ્યાર્થીઓને રેતી, માટી ખુન્દવામાં અનેરી મજા આવે. અમારા નાનકડા મેદાનમાં પાણી ભરાઈ જતું હોવાથી ગ્રામજનોના સહકાર થી રેતી-માટીનું તાજું પુરાણ કરાવેલ. અમે વિદ્યાર્થીઓને જુદા જુદા વિભાગ આપી એમને ગમતું ગામ બાંધવા કામ આપ્યું. આ માટે શાળાના તમામ વિદ્યાર્થીઓ એકઠા થયા, ગામની જરૂરિયાતો નક્કી થઇ અને મહોલ્લા, ઘર, મંદિર, ગ્રામ પંચાયત, શાળા વિગેરે કયા સ્થળે, કેવી રીતે અને શું-શું રાખવું એ કાગળ પર નક્કી થયું. બીજા દિવસે સીધું પ્રાયોગિક કામ શરુ કરવામાં આવ્યું. પ્રવૃત્તિ માટે ફાળવેલ સમયે વિદ્યાર્થીઓના સપનાનું ગામ નિર્માણ કરવાનું શરુ કર્યુ. રીશેસના સમયનો પણ વિદ્યાર્થીઓ આ કાર્ય માટે જ ઉપયોગ કરતાં. સરળ લાગતી આ પ્રવૃત્તિ વિદ્યાર્થીઓમાં ઘણા ગુણ કેળવે છે...જે એક શિક્ષક અથવા શિક્ષણ પ્રક્રિયા સાથે સંકળાયેલ વધારે સારી રીતે સમજી શકે છે. ક્યારેક આવી પ્રવૃત્તિઓ દ્વારા થતાં ફાયદા અંગે ચર્ચા કરીશું. અહી કેટલીક વિડીયો અને ફોટોગ્રાફ્સ અમારી શાળાના વિવિધ પ્રયોગોની જાણકારી અંગે....

આપનો અભિપ્રાય અમને વધારે પ્રોત્સાહન અને પ્રેરણા આપશે....

With Innovative Students, Teachers and Team Charlotte...

નેશનલ ઇનોવેશન ફાઉન્ડેશન- નવી દિલ્હી અને સૃષ્ટી- અમદાવાદ દ્વારા ભારતના જુદાજુદા રાજ્યમાં શોધયાત્રા દ્વારા અબાલ વૃદ્ધને દિલ્હી રાષ્ટ્રપતિ ભવન ખાતે ઇગ્નાઈટ અને NIF એવોર્ડ આપવામાં આવે છે. આ વર્ષે તારીખ ૪ થી ૭ માર્ચ ૨૦૧૭ દરમિયાન મહામહિમ રાષ્ટ્રપતિ શ્રી પ્રણવ મુખરજીની ઉપસ્થિતિ માં પોતાના રોજીંદા જીવનમાં નવતર પ્રયોગો હાથ ધરી સમાજ ને ઉપયોગી થનાર વિદ્યાર્થીઓ અને વડીલો નું સન્માન કરવામાં આવ્યું. 

દેશભરમાંથી ૭૦ જેટલાં ઇનોવેટીવ સ્ટુડન્ટ અને તેમના શિક્ષકને પણ બે દિવસ વિશેષ દૃષ્ટિકોણ ખીલે અને એક બીજાના વિચારોની આપલે કરી શકે એ હેતુ થી બોલાવવામાં આવેલ. અમેરિકા સ્થિત ગુજરાતી સમાજ શાર્લોટ્ટ પણ ગુજરાતમાં ચાલતી ઇનોવેટીવ એક્ટીવીટીસ સાથે સંકળાયેલ છે. સમયાંતરે ગુજરાતી સમાજ શાર્લોટ્ટ ગુજરાતમાંથી અનુભવી અને પ્રવૃત્તિશાળી વ્યક્તિઓને શાર્લોટ ખાતે આઈડિયા એક્ષ્ચેન્જ માટે આમંત્રીત કરે છે. ગુજરાતી સમાજ શાર્લોટ્ટ ના પ્રતિનિધિ તરીકે શાર્લોટ થી શ્રી નીમેશભાઈ ભટ્ટ  પણ આ વર્કશોપ અને એવોર્ડ સમારંભમાં સૃષ્ટી અને નેશનલ ઇનોવેશન ફાઉન્ડેશનના આમંત્રણ ને સન્માન આપી  ઉપસ્થિત રહેલ. શ્રી નીમેશભાઈ ભટ્ટ દ્વારા ગુજરાતના ઇનોવેટીવ એક્ટીવીટી સાથે સંકળાયેલ સભ્યો સાથે અમેરિકા અને ગુજરાતના જોડાણ, શાર્લોટ, અમેરીકા ખાતે Integra Wellness Center ના ડૉ અમિતભાઈ શાહ દ્વારા ગુજરાત- શાર્લોટ જોડાણ માટે અપાયેલ વિચાર 'સોઉલ ટુ સોઇલ' કાર્ય વિષે વિસ્તૃત ચર્ચા કરી શાર્લોટમાં ચાલતી વિવિધ પ્રવૃત્તિઓ અંગે માહિતગાર કર્યા. સમયની જરૂરિયાતને ધ્યાને લઇ 'આઈડિયા એક્ષ્ચેન્જ' અને 'બ્રેઈન એક્ષ્ચેન્જ' કાર્ય કેવી રીતે કરવું એ અંગે સવિશેષ ચર્ચા કરાઈ. કેટલાંક કામો પર આયોજન હાથ ધરવા પણ વિચારવામાં આવ્યું. ગુજરાતી સમાજ શાર્લોટ્ટ ગુજરાતના વિકાસમાં પરોક્ષ રીતે મદદરૂપ થઇ રહ્યું છે. હવે પ્રત્યક્ષ રીતે મદદ કરવાનો સમય આવી ગયો છે એ માટે ટીમ ગુજરાતે ચર્ચા કરી જણાવ્યું. રાષ્ટ્રપતિ ભવન ખાતે ' ઇનોવેટીવ પ્રેકટીસ કરનાર ના સન્માન સમારંભ અને આઈડિયા એક્ષ્ચેન્જ' આ માટે  કામગીરીમાં એક્ષ્પર્ટ તરીકે કામ કરવાની સોનેરી તક મેળવેલ તજજ્ઞશ્રીઓનો પરિચય....

ટીમ સૃષ્ટી અને એન.આઈ.એફ દ્વારા ભારતમાંથી શિક્ષક તરીકે અમને ત્રણ શિક્ષક અને બે ઇનોવેટરને  એક્ષ્પર્ટ તરીકેની  કામગીરીમાં સહભાગી બનાવવામાં આવેલ.

ચેતનભાઈ પટેલ: કન્વીનર સૃષ્ટી, અમદાવાદ

ચેતનભાઈ પટેલ સૃષ્ટી સંસ્થામાં શોધયાત્રા અને ઇગ્નાઈટ એવોર્ડ તેમજ ઇનોવેશન શાખાના કન્વીનર છે. ભારતના જુદા જુદા રાજ્યોમાં રોજ ૨૦ - ૨૫ કિલોમીટર ચાલીને ગ્રામ્ય વિસ્તારોમાંથી છેલ્લાં છ વર્ષો થી  શોધકો શોધવાનું કામ કરવાનું આયોજન કરી રહ્યા છે. આ માટે તેઓ IIM કે અન્ય સંસ્થાના વિદ્યાર્થીઓ, યુવાનો ને સાથે રાખી મુલાકાત લઇ સાચા વ્યક્તિઓને એમની શોધ સમાજ સુંધી પહોંચાડવાનું અને પેટર્ન આપવાની પ્રક્રિયામાં જોડાયેલા છે.

ડૉ ભાવેશભાઈ પંડ્યા : શિક્ષક, બનાસકાંઠા

ડૉ ભાવેશભાઈ પંડ્યા બાળ વાર્તાકાર પ્રવૃત્તિ લક્ષી  શિક્ષણમાં માહિર છે. તેઓએ ૧૫૦૦ જેટલી જોડાક્ષર વગરની વાર્તાઓ, અને ૧૨૦૦ જેટલાં કાવ્યો-બાળગીતો લખેલ છે. આ કામ માટે તેઓને 'ધી ગીનેશ બુક ઓફ રેકોર્ડ,  લિમ્કા બુક ઓફ રેકોર્ડ, એશીયા બુક ઓફ રેકોર્ડ, કેસ્મે એવોર્ડ' વિગેરેથી સન્માનિત કરવામાં આવ્યા છે. ધ ઓક્ષ્ફર્ડ યુનીવર્સીટી દ્વારા તેઓને ડોક્ટર તરીકે માનદ પદવી આપી સન્માનવામાં આવેલ છે. રાજ્યની પ્રાથમિક શાળાઓમાં ધો ૧ થી ૪ ભાષા, ૫ થી ૧૦ સામાજિક વિજ્ઞાન ના લેખક તરીકે તેમજ શિક્ષક તાલીમી સાહિત્ય નિર્માણ પ્રક્રિયા સાથે જોડાયેલ છે. આઇઆઇએમ અને  સૃષ્ટી સાથે ઇગ્નાઈટ એવોર્ડ પસંદગી સમીતીમાં તેઓ સભ્ય પણ છે.

કેતન ઠાકર , શિક્ષક, અમદાવાદ જીલ્લો

કેતનભાઈ ઠાકર નવતર અભિગમ સાથે સંકળાયેલ શિક્ષક છે. કૉ ઓર્ડીનેશન અને પ્લાનિંગ ની કામગીરી સફળતા પૂર્વક કરે છે. ટેકનોલોજીના ઉપયોગ પર ઇનોવેશન માટે આઇઆઇએમ, અમદાવાદ ના ઇનોવેશન શેલ દ્વારા રાજ્ય સરકારે તેમનું ઇનોવેટીવ ટીચર તરીકે સન્માન કરેલ છે. તેઓને શોર્ટ ફિલ્મ, ડોક્યુમેન્ટરી લેખન  માટે GIET (ગુજરાત સરકાર) દ્વારા રાજ્યમાં શ્રેષ્ઠ ટૂંકી બાળફિલ્મ ના લેખન માટે સ્ક્રીપ્ટ લેખક તરીકે સન્માનિત કરવામાં આવેલ છે, કેતનભાઈ ઠાકરે રાજ્યની પ્રાથમિક શાળાઓમાં ધો ૫ થી ૭ અંગ્રેજી પાઠ્યપુસ્તક લેખક/સમિક્ષક તરીકે કામગીરી કરેલ છે. રાજ્યમાં પ્રાથમિક શિક્ષકોની તાલીમ માટે શિક્ષક તાલીમી સાહિત્ય નિર્માણ પ્રક્રિયા સાથે જોડાયેલ છે. આઇઆઇએમ અને  સૃષ્ટીમાં નેશનલ ઇનોવેશન કમીટીના કોર ટીમ મેમ્બર છે. તદુપરાંત તેઓ નેચરોપથી અને કુદરતી ઉપચાર અર્થે વનસ્પતિના ઉપયોગ અને કુદરતી જીવન પર સ્વાસ્થ્યની જાળવણી માટે કાર્યરત છે.

શ્રી કનૈયાલાલ પટેલ શિક્ષક, મહેસાણા જીલ્લો

શ્રી કનૈયાલાલ પટેલ મહેસાણા જિલ્લા પંચાયત હસ્તકની પ્રાથમિક શાળામાં શિક્ષક તરીકે સેવા આપે છે. તેઓ શિક્ષક સાથે સાથે સમજમાં યુવાનોને ઇન્ડસ્ટ્રીઝ ડેવલપમેન્ટ માટે ઉમદા કામગીરી કરી રહ્યા છે. રાજ્યમાં ૧૯૦૦૦ જેટલાં યુવા કમાન્ડો સાથે રાજ્ય ભરમાં પર્યાવરણ જતન માટે યુવા ગ્રીન પ્રોજેક્ટ અંતર્ગત સેવાકીય પ્રવૃત્તિઓ કરી રહ્યા છે.

શ્રી હિતેશભાઈ પટેલ, વડોદરા

શ્રી હિતેશભાઈ પટેલ વડોદરા આસપાસની પ્રાથમિક શાળાઓના વિદ્યાર્થીઓને ટેકનોલોજી અંગે માર્ગદર્શન આપી રહ્યા છે. નવતર પ્રયોગના પ્રચાર અને પ્રસાર માટે તેઓ સતત કાર્યરત રહે છે. આપણું ગુજરાત વેબસાઈટ દ્વારા તેઓ યુવાનોને ઉપયોગી માહિતી આપી અપડેટ કરતાં રહે છે.

        અમેરીકા ખાતે 'ટીમ શાર્લોટ ગુજરાતી સમાજ' અને શાર્લોટ ની મુલાકાત લઇ તૈયાર થયેલ 'ટીમ ગુજરાત' ના સભ્યો દ્વારા ગુજરાતમાં 'NRI માટે NRI ભવન', ઇનોવેટીવ શિક્ષકો સાથે મળી 'સ્ટુડન્ટ ક્નોવ્લેજ એક્ષ્ચેંજ પ્રોગ્રામ', 'બિઝનેશ ડેવલપમેન્ટ', 'જૈવિક ખેતી માટે આયોજન', 'આયુર્વેદીક ઔષધીય ઉત્પાદન' વિગેરે કામ આગળ વધારવા આયોજન હાથ ધરાયું. શાર્લોટ ગુજરાતી સમાજ ટીમ ગુજરાત સાથે સ્કાઈપ કે અન્ય માધ્યમે સમયાંતરે બેઠક યોજી આયોજન હાથ ધરશે એવું આયોજન નક્કી કરાયું.

        સમગ્ર વિશ્વમાં ગુજરાત અને ગુજરાતીઓ એ પોતાની આગવી ઓળખ ઉભી કરેલ છે. આગામી સમયમાં અમેરિકા સ્થિત ગુજરાતી સમાજ શાર્લોટ્ટ અને ટીમ ગુજરાત દ્વારા નક્કી કરેલ આયામો સિદ્ધ કરી શકાય એ માટે સુચારુ આયોજન હાથ ધરાય તેવી અપેક્ષા.....

પ્રતિભાશોધ સ્પર્ધા...Talent hunt in Ahmedabad District's Government Schools...

પ્રતિભાશોધ સ્પર્ધા

પ્રસ્તાવના :
માનનીય જિલ્લા વિકાસ અધિકારી અવાર નવાર જીલ્લાની શાળાઓની મુલાકત લેતાં હોય છે. આ મુલાકાત દરમિયાન તેઓશ્રીએ નોંધ્યું કે જિલ્લાના છેક અંતરીયાળ વિસ્તારમાં આવેલી શાળાઓમાં પણ પ્રતિભાશાળી બાળકો અને પ્રતિભાવંત શિક્ષકો ને મળતાં. તેઓશ્રી એ વિચાર્યું કે શિક્ષકો અને વિદ્યાર્થીઓમાં રહેલી આ પ્રતિભાને બહાર લાવવા એક પ્રયાસ અને તક આપવાની જરૂરત છે. તેઓએ પોતાનો આ વિચાર જીલ્લા પ્રાથમિક શિક્ષણાધીકારીશ્રી સમક્ષ મુક્યો અને ટીમ એજ્યુકેશન અમદાવાદે માનનીય જિલ્લા વિકાસ અધિકારી શ્રી ભાર્ગવી દવે સાહેબ ના માર્ગદર્શન મુજબ અને માનનીય જિલ્લા પ્રાથમિક શિક્ષણાધીકારીશ્રી મહેશભાઈ મહેતા સાહેબના માઈક્રો આયોજન મુજબ અમલ કર્યો....જીલ્લા કક્ષાએ ‘પ્રતીભાખોજ કાર્યક્રમનું આયોજન હાથ ધરાયું અને જિલ્લાને જુદાં જુદાં અઢાર જેટલાં વિભાગો માં કલા ધરાવતાં કલાકાર મળ્યા....

‘પ્રતિભા ખોજ’ કાર્યક્રમ પર એક નજર....

હેતુઓ:

-     વિદ્યાર્થીઓ અને શિક્ષકોની પ્રતિભાને બહાર લાવવી.

-     પ્રતિભાવંત વિદ્યાર્થીઓ અને શિક્ષકો માટે વિવિધ સ્પર્ધાઓનું આયોજન કરવું.

-     પ્રતિભાવંત વિદ્યાર્થીઓ અને શિક્ષકોને વિશાળ ફલક પૂરું પાડવું.

-     પ્રતિભાવંત વિદ્યાર્થીઓ અને શિક્ષકોને પુરસ્કૃત અને પ્રોત્સાહિત કરવાં.

-     પ્રતિભાવંત વિદ્યાર્થીઓ અને શિક્ષકોને પોતાના વિષયમાં પારંગતતા મેળવવા વિષય નિષ્ણાંત તજજ્ઞો દ્વારા કુશળતા પ્રદાન કરવી.

-     ‘ઇવેન્ટ મેનેજમેન્ટ’ , ‘કૉ-ઓર્ડીનેશન’, ‘ટાઈમ મેનેજમેન્ટ’, ‘ગ્રુપ-એક્ટીવીટી’, ‘ટીમ વર્ક’ વગેરે જેવા વ્યવસાયિક કૌશલ્યોનો વિકાસ કરવો.

મુખ્ય અંશ:

 

-     ઉપરોક્ત હેતુઓની સિદ્ધિ માટે અલગ અલગ છવ્વીસ વિભાગો નક્કી કરવામાં આવ્યા.દા.ત. નાટક, સમૂહ નૃત્ય, શીઘ્ર કાવ્ય અને વક્તવ્ય, લોક વાર્તા, સુગમ સંગીત વગેરે.

-     સમગ્ર જિલ્લામાં સી.આર.સી ક્ક્ષાએ પ્રતિભા શોધ કાર્યક્રમ યોજાયો. પ્રતિભા શોધ કાર્યક્રમમાં ૧૩૫૨૬ વિદ્યાર્થીઓ અને ૧૮૮૦ શિક્ષકોએ ઉત્સાહભેર ભાગ લીધો. ત્યારબાદ જાન્યુઆરી માસના અંતિમ સપ્તાહમાં બ્લોક કક્ષાએ પ્રતિભાશોધ સ્પર્ધા યોજાઈ.

-     માર્ચ માસના પ્રથમ પખવાડિયામાં જિલ્લા કક્ષાની પ્રતિભા શોધ સ્પર્ધાનું આયોજન થયું. દરેક વિભાગમાંથી પ્રથમ ત્રણ વિજેતા સ્પર્ધકોને તક આપવામાં આવી. સીટી તાલુકાની જોધપુર પ્રાથમિક શાળા નંબર - ૧ માં ઉદધાટન સમારોહનું આયોજન કરવામાં આવ્યું જેમાં માનનીય જીલ્લા વિકાસ અધિકારીશ્રી ભાર્ગવી મેડમે સ્વયં ઉપસ્થિત રહી દીપ પ્રાગટ્ય દ્વારા કાર્યક્રમનો શુભારંભ કરાવ્યો. માનનીય જીલ્લા પ્રાથમિક શિક્ષણાધિકારીશ્રી મહેતા સાહેબે પ્રેરક પ્રવચન દ્વારા સ્પર્ધકોનો ઉત્સાહ વધાર્યો. અલગ અલગ નવ શાળાઓમાં આ સમગ્ર સ્પર્ધા સંપન્ન થઇ. હવે આગામી સમયગાળામાં જીલ્લા કક્ષાએ વિજેતા ઉમેદવારોને સન્માનવાનો એક સુંદર કાર્યક્રમ આકાર લેશે.

 

 

ઉપલબ્ધિઓ :

-     અમદાવાદ જીલ્લાના છેક છેવાડાના ગામમાં વસતા નાનકડા બાળકને  પણ પોતાની પ્રતિભાનું પ્રદર્શન કરવા સાચા અર્થમાં વિશાળ મંચ પ્રાપ્ત થયો.

-     આ સ્પર્ધાના માધ્યમથી બાળકોને વિદ્યાર્થીઓ કેટલાંક એવા હકારાત્મક મુદ્દા શીખ્યા કે જે અન્ય માધ્યમથી શીખવવું મુશ્કેલ છે.

-     સંગીત, અભિનય જેવાં  ક્ષેત્રોમાં ભવિષ્યમાં કારકિર્દી નિર્માણ થઇ શકે તેવી તક આ કાર્યક્રમના માધ્યમથી ઉભી કરાઈ.

-     ટૂંકમાં આ કાર્યક્રમના માધ્યમથી કલા, સાહિત્ય અને શિક્ષણની શ્રેષ્ઠ સેવા થઇ શકી.

 

જીલ્લા કક્ષાએ પ્રથમ આવેલ પૈકી પાંચ પ્રતિભાઓનું માનનીય મુખ્યમંત્રીશ્રી ના વરદ્હસ્તે  તારીખ: ૬ એપ્રિલ ૨૦૧૬ન રોજ સાણંદ ખાતે સન્માન કરવામાં આવ્યું. સાથે સાથે જ્ઞાનસેતુ, MOU and Joy of Giving અને પ્રતીભાખોજ પર તૈયાર કરવામાં આવેલ પુસ્તિકાનું વિમોચન માન.મુખ્યમંત્રીશ્રી દ્વારા કરવામાં આવ્યું.  આ કાર્યક્રમને માનનીય જિલ્લા વિકાસ અધિકારીશ્રીએ ખુબ મહત્વ આપેલ તેમજ દરેક બાબતનું જાતે પ્લાનીંગ કરેલ. માનનીય જિલ્લા વિકાસ અધિકારી શ્રી ભાર્ગવી દવે સાહેબ ના માર્ગદર્શન મુજબ અને માનનીય જિલ્લા પ્રાથમિક શિક્ષણાધીકારીશ્રી મહેશભાઈ મહેતા સાહેબ દરેક સ્પર્ધામાં જાતે ઉપસ્થિત રહ્યા અને સ્પર્ધકો અને આયોજક ટીમને પ્રેરણા અને પ્રોત્સાહન આપ્યું.

માનનીય મુખ્યમંત્રીશ્રીમતી આનંદીબહેન પટેલના વરદ્હસ્તે  સન્માનિત પ્રતિભાવંત શિક્ષકો અને વિદ્યાર્થીઓની તસવીરો..

You are the hope....

સમાજમાં મોટાભાગે શિક્ષકને (આપણને) વગોવવાનું કામ મોટાભાગના લોકો કરતાં હોય છે. ક્યારેક તો શિક્ષકને રસ્તો બતાવનાર શિક્ષકના માર્ગદર્શક કે શિક્ષક પાસે ૨૪ x ૭ કામ લેનાર વ્યક્તિ પણ શિક્ષક ના કામને વગોવે. આમ જ ચલાવના કારણે સમાજમાં શિક્ષક ને ક્યારેક નીચું પણ જોવું પડતું.  મારા વકતવ્યમાં હું હંમેશા કહું છું કે કે શિક્ષકના કામને બિરદાવવાનું કામ જ્યાં સુંધી નહી કરી શકીએ ત્યાં સુંધી અપેક્ષિત શ્રેષ્ઠ કામ લેવું મુશ્કેલ.કામ નહી  કરનાર શિક્ષકને અને કામ કરનાર  શિક્ષકની એક સરખી મુલવણી ઘાતક બની રહી છે. કામ કરનારને સન્માન,  પ્રોત્સાહન  આપવાથી ઓછુ કામ કરનાર પણ પ્રેરણા લેશે. શિક્ષક પણ માનવ છે અને શિક્ષકને પણ પોતીકું સ્વમાન છે. શિક્ષકના કામને ન જાણનારે ક્યારેય શિક્ષકને વાગોવવો જોઈએ નહી.
શિક્ષક્ના શિક્ષકત્વને ઉજાગર કરવાં અને શિક્ષકનિ સારી કામગીરીને સન્માનવા ના અતિ મહત્વના હેતુને લઈને અમદાવાદ જિલ્લા પ્રાથમિક શિક્ષણાધિકારી સાહેબશ્રી મહેશભાઈ મહેતા સાહેબે  એ આજથી જીલ્લાની તમામ શાળાઓના આચાર્યશ્રી અને સર્વ શિક્ષા અભિયાનના પ્રોજેક્ટ સ્ટાફ સાથે સમિક્ષા બેઠક ટીમ દેત્રોજ માંડલ સાથે દેત્રોજ તાલુકાના ગીતાપુર પ્રાથમિક શાળાથી કરવામાં આવી. આ બેઠકમાં દેત્રોજ અને માંડલ તાલુકાના...
૨ શ્રેષ્ઠ કામ કરતાં શિક્ષક ,
૨ ઇનોવેતિક પ્રવૃત્તિ હાથ ધરેલ શિક્ષક,
વર્ષ દરમિયાન યોજાયેલ વિવિધ પ્રવૃત્તિઓમાં જિલ્લા કક્ષાએ પ્રથમ સ્થાને વિજેતા બનેલ વિદ્યાર્થી સન્માન,
તાલુકાની શ્રેષ્ઠ પ્રજ્ઞા શાળાનું સન્માન,
શાળામાં એક પણ શિક્ષક વ્યસની ન હોય તેવી શાળાનું સન્માન
જે શિક્ષક્ના સંતાન પોતાની કે સરકારી શાળામાં અભ્યાસ કરતાં હોય તેવા શિક્ષકનુ સન્માન.
દાતાશ્રીઓનું સન્માન, તાલુકામાં શ્રેષ્ઠ શિક્ષક તરીકે કામ કરનાર શિક્ષક દંપત્તિનું સન્માન,
કરી નવી કેડી કંડારી....શિક્ષકોમાં જોમ અને જુસ્સો ભર્યો. સાથે સાથે તાલુકાના અનાથ વિદ્યાર્થીઓ (એવાં વિદ્યાર્થીઓ જેમને માતા કે પિતા નથી) માટે નક્કર આયોજન કરી આવા વિદ્યાર્થીઓના ભાવી વિષે વિચારવા આયોજન હાથ ધરાયું. સાહેબ ખુદ દેકાવાડા શાળાના આચાર્યશ્રીને તેમની શાળાના બે અનાથ વિદ્યાર્થીઓ માટે કપડાં લાવવા જરૂરી રૂપિયા આપ્યા.
સતત પોણા ત્રણ કલાક સુંધી માન.જિલ્લા પ્રાથમિક શિક્ષણાધિકારી સાહેબશ્રી એ નાનામાં નાની બાબતને ધ્યાને લઇ ને પ્રેરણાદાયી વક્તવ્યથી  પ્રોત્સાહિત કર્યા.
સાંજે પોતાની જીવનસાથી સાથે બેસી છ પ્રશ્નોના જવાબ મેળવવા  કહ્યુ.
1. તમે વર્ગમાં પ્રવેશૉ ત્યારે  બાળકોના ચહેરા પર આનંદ  પ્રસરે  છે..?

2. તમને તમારા વર્ગના બધાંજ બાળકોના નામ યાદ છે..?

3. તમારા વર્ગના 50% વાલીઓનો ઘરે સંપર્ક  કરેલો છે..?

4. તમે નોકરી કરો છો, તે ગામમા કેટલી રાત રોકાયા છો..?

5. શાળા એ અડઘો કલાક વહેલા પ.ચેલ છો કે અડધો કલાક વધુ રોકાયેલ છો..?

6. તમે વર્ગમાં  વધુ રોકાયેલ છો કે વર્ગખંડ બહાર..?

પોતાના વક્તવ્યમાં  સાહેબશ્રીએ કડવી દવાને મીઠી ચૉકલેટ સાથે રજૂ કરી શિક્ષકને  સતત હસતા અને 'સ્વ' નું મૂલ્યાંકન  કરતાં રાખ્યા. તેમણે કહેલ કે, બધાને સાંભળનાર કે કોઇનુંય ન સાંભળનાર હંમેશા  દુ:ખી થાય છે. તેમણે જણાવેલ કે કેટલાંક  માં કેટલુંક  ઉગાડવું એટલે ઈથોપિયાની ધરતી પર સફરજન ઉગાડવા જેવું કામ કરવું.

જીલ્લા  પ્રાથમિક શશિક્ષણાધિકારી સાહેબશ્રી મહેતા સાહેબ માટે એટલું જરૂરથી કહી શકાય, 'Sir, You are the hope....'

આ સમિક્ષા  બેઠકમાં અમદાવાદ  જિલ્લા પ્રાથમિક શિક્ષક સંઘના પ્રમુખશ્રી નરેન્દ્રભાઇ ગોહેલ, મહામંત્રીશ્રી જગજીવનભાઇ પટેલ તેમજ દેત્રોજ અને માંડલ તાલુકાના શિક્ષક  સંગઠનના પ્રમુખ શ્રી, મંત્રીશ્રીએ ઉપસ્થિત  રહી શિક્ષકના સન્માનમાં સહભાગી બની પ્રોત્સાહન  આપ્યું.

Jay Vasavada .... જય વસાવડા... ચાલો શિક્ષકત્વ નિખારીએ...

સંસ્કારધામ, ઘુમા, બોપલ ખાતે આજે 'શિક્ષકત્વના નિખાર પર સમારોહ યોજાયો. અમદાવાદ  જિલ્લા  પ્રાથમિક શિક્ષણાધિકારી સાહેબશ્રી  એમ.પી.મહેતા સાહેબની આયોજનમાં સહભાગીતાને કારણે આ સમારોહમાં ઉપસ્થિત  રહેવાનો લ્હાવો  મળ્યો.  આ સમારોહના મુખ્ય  વક્તા શ્રી જય વસાવડા  એ હૃદય  સ્પર્શી  વક્તવ્યથી સૌને વિચારતાં કરી દીધા....સાચુ  કહુ તો 'હું શિક્ષક  છું..?' આજે સ્વ ને આ પ્રશ્ન  કરવાનો મોકો મળ્યો.

પ્રત્યેક વાકય પર 'વાહ'ની અનુભૂતિ  કરાવનાર જય વસાવડાના 'શિક્ષક' પાસેની અપેક્ષા પરના કેટલાંક  યાદગાર વાક્યો....

#JayVasavada
દરેક વાત પર 'વાહ' ની અનુભૂતિ  કરાવી...

# શિક્ષક  પાસે ગાડી હોય એનો અનેરો આનંદ,
વિદ્યાર્થીઓને સમજાશે કે  જ્ઞાનના રસ્તે ગાડી પણ મળે....

# કોઇ પણ હોદ્દો કે સત્તા ઘણી બધી જવાબદારી સાથે મળે છે. જવાબદારી મુજબનું કાર્ય કરનાર જાતે સફળ બને...અને સમાજને શાંતિ  અર્પે....

# Great power comes with great responsibility.

# વગર કહ્યે સમજે એ જ શિક્ષક...

# દુનિયામાં આપણને કોઇ જોતું ના હોય એ સમયે આપણે બીજા સાથે  કેવું વર્તન  કરીએ  છીએ  એ આપણું ચારિત્ર્ય....

# મૂલ્યો  ઝીલી શકાય પરંતુ  શિખવી ન શકાય....

# આ દુનિયામાં આપણાં સિવાય  બીજા પણ જીવે છે એ ધ્યાન  રાખે એ શિક્ષિત....મૂલ્યવાન....

# શિક્ષકનું કાર્ય એ દાયણ જેવું છે...

# શિક્ષણ  એટલે અરીસાઓને બારીમાં બતાવવાનું કાર્ય....

# સવાલ પેદા કરવાની કળા શિખવે એ શિક્ષક.

# શાળામાંથી  'હાશ' લઇ ને ઘરે જાય એવી અનુભૂતિ  કરાવે શિક્ષક.

# સફળતા  અને નિષ્ફળતા  એ માણસે બનાવેલા  'લેબલ્સ' છે. પ્રયત્નો  કરનાર જ માણસ.

# શિક્ષણ  એટલે અરીસાઓને બારીમાં બદલાવવાનું કાર્ય નથી....

# શિક્ષક  એટલે....
- સારો માણસ
- સારો નાગરિક
- સારો ભાવક
- સારો સર્જક
બનાવે એ શિક્ષક...

# મૂલ્યોની વાતો કરવા કરતાં મૂલ્યો જીવી બતાવનાર શિક્ષક

# શિક્ષણના મૂલ્યો...

- સિધ્ધાંત  વિહીન રાજકારણ
- પરિશ્રમ વિહીન  ધન કમાણી
- સદાચાર  વિહીન  વ્યાપાર
- કલ્યાણ  વિહીન  વિજ્ઞાન
- વિવેકહીન સુખ
- વૈરાગ્ય  વિહીન  ઉપાસના
- ચારિત્ર્ય  વિહીન  શિક્ષણ

# પૈસો હાથનો મેલ છે કહેનારે અનેક મહેલો બાંધ્યા...મહેલોમાં રાચે....

# આપણાં નામને ગર્વથી બોલી કહે કે હું '.......' નો વિદ્યાર્થી છું એ શિક્ષકનું સૌથી મોટું સન્માન  કે પ્રમાણપત્ર...

# દુ:ખ  એ વાતનું છે કે બુટલેગર ગાડીમાં ફરે અને શિક્ષક બાઇકમાં....

# મરવા જરૂર  જન્મે પણ ઘરડો થવા ન જન્મે એ શિક્ષક....

# શિક્ષણમાં ટહુકાની જરૂર  છે.

# શું શિખવવું અને શું ન શિખવવું  એ જાણે એ શિક્ષક...

# વળગણ વિના પ્રત્યેક ક્ષણને જીવે એ શિક્ષક....

NMMS on BISAG

તારીખ ૧૬ ઓક્ટોબર ૨૦૧૫ના રોજ ફરી એકવાર અમદાવાદ જીલ્લાના ધોરણ ૬ થી ૮ના વિદ્યાર્થીઓ, શિક્ષકો, આચાર્યશ્રીઓ અને મોનીટરીંગ ટીમ સાથે સંકળાયેલ ટીમ એજ્યુકેશનના સભ્યો સાથે બાયસેગ માધ્યમે મળવાનું થયું. જિલ્લા વિકાસ અધીઅકારી સાહેબ શ્રી ભાર્ગવીબેન દવે અને જિલ્લા પ્રાથમિક શિક્ષણાધીકારીશ્રી પ્રફુલભાઈ જલુ સાહેબના માર્ગદર્શન મુજબ NMMS અંતર્ગત વિદ્યાર્થીઓને સ્કોલરશીપ  માટેની પરીક્ષાના માર્ગદર્શન તેમજ અન્ય વહીવટી, શાળાકીય આયોજન અંગે ચર્ચા માટે તારીખ ૧૬ ઓક્ટોમ્બર ૨૦૧૫ના રોજ  બાયસેગ માધ્યમે બેઠક નું આયોજન હાથ ધરાયું. આ કોન્ફરન્સમાં ટીમ માંડલ દ્વારા ‘ચાઈલ્ડ ટ્રેકિંગ’ માટે ડેવલપ કરાયેલ એક્ષલ શીટ/સોફટવેર પર ચર્ચા કરાઈ...ભાવનાબેન ચૌહાણ (મીરોલી પ્રાથ. શાળા) દ્વારા અમદાવાદ જીલ્લાના ૮૮૫ જેટલા વિદ્યાર્થીઓ NMMS પરીક્ષા આપી રહ્યા છે તેમને અને અન્ય વિદ્યાર્થીઓને રીઝનીંગ અને ગાણિતિક સૂત્રોની મદદથી સરળતાથી દાખલા ગણી શકે તે માટે માર્ગદર્શન આપવામાં આવ્યું.  દેત્રોજ તાલુકા પ્રાથમિક શિક્ષણાધીકારી શ્રી ચંદ્રિકાબેન પેટેલ દ્વારા સહભ્યાસિક પ્રવૃત્તિ અને શાળાકીય આયોજન માટે માર્ગદર્શન અપાયું. માન. જિલ્લા પ્રાથમિક શિક્ષણાધીકારીશ્રી પ્રફુલભાઈ જલુ સાહેબ દ્વારા ગુનોત્સવમાં ઉત્કૃષ્ઠ દેખાવ કરવાના સૂચનો અને ‘મુખ્યમંત્રી યુવા સ્વાવલંબન યોજના’ અંતર્ગત જરૂરી માહિતી આપવામાં આવી. માન. જિલ્લા વિકાસ અધીઅકારી સાહેબ શ્રી ભાર્ગવીબેન દવે સાહેબ દ્વારા શરદોત્સવ, વાંચે અમદાવાદ દ્વારા ગુણોત્સવમાં ઉત્કૃષ્ઠ પરીણામ, નવતર પ્રયોગ કરતાં વિદ્યાર્થીઓ-શિક્ષકોની શોધ માટે સૃષ્ટી, અમદાવાદ ના સહયોગથી તાલુકા કક્ષાએ બેઠક તેમજ સરકારશ્રીની જાણ વિકાસ માટે કેટલીક યોજનાઓ અંગે માર્ગદર્શન આપવામાં આવ્યું.

મને આ પરિસંવાદનું એન્કરીંગ તેમજ જરૂરીયાત મુજબ વિષયોની ચર્ચા કરવાની જવાબદારી પૂર્વકનું કાર્ય સોંપવા બદલ હું ટીમ એજ્યુકેશન અમદાવાદનો આભારી છું.

કેટલાંકમીત્રોદ્વારામોકલાયેલફોટોગ્રાફ્સઅનેસ્ટુડિયોનાફોટોગ્રાફ્સ.....